أيوة الرقم المكتوب وإنت قريته صح ، 1300 إبن غير شرعي أعلنت مدينة ناشفيل عاصمة ولاية تينيسي إحدى الولايات الأمريكية نسبهم لراجل واحد رفضوا ذكر إسمه واكتفوا بالإشارة إلى أنه كان بيشتغل ساعي بريد وعنده حالياً 87 سنة ..
الراجل ما أنكرش ولا قال " أقسم بالله ماولادي " زي غيره مابيعمل ، بالعكس تماماً كان فخور بنفسه بعد الإعلان عن ده بشكل رسمي من خلال تحقيق عمله أحد الصحفيين ، وقال إن حياته كانت كلها سعادة وإنه كان بيوصل الحب للمنازل مع الجوابات وإن طريقته الخاصة فى ( توقيع ) السيدات كانت بتنجح كل مرة ..
الغريب إن الصحفي " روي " اللى إكتشف الموضوع قال إن التحقيق كله جاله بالصدفة وإنه بدأ يشتغل عليه من حوالي 15 سنة وكانت بداية الخيط إكتشاف نسب لشخصين طلبوا تحليل DNA وهم ميعرفوش بعض وطلعوا إخوات من نفس الأب ، ومع الإستمرار فى البحث إكتشف إن 1300 واحد من اللى قبلوا إجراء التحليل عندهم نفس الجينات المنسوبة لساعي البريد..
وقال إن عدد كبير من الأبناء اللى إكتشفوا أبوهم أخيراً رفضوا تماماً الإعتراف بوجوده وكملو حياتهم عادي .. ولكن منهم برضو اللى إحتفل وفرح وراح زاره وقاله .. شكراُ لساعي البريد !
يمكنكم زيارة صفحتنا علي الفيس بوك من هنا
تعليقات
إرسال تعليق